اجروحي علك

انة اجروحي قميص امفصلات افصــــال

ما أردن وانزعة انــــوب من تالــــــــــي

وانة اجروحي علگ والگلب جن شباج

وياشباج حضرة من العــــلگ خالـــــي

ولتغرك ضحتكي اتكول اشـــوفك زيــن

عاين عالســــفن تحجيلك احوالــــــي

من امشي عل البحر بالكيف أدوس اعلية

ومن يصعد المــــوج ايصير جتالـــــــي

وبعد بية اشكثر واشكثر بية اهمــوم

اذا احجيها ليـــــك اتكوم تنعالــــــي

مثـــل فلاح صاير واركض عل الكـاع

للمـــــــلاچ زرعي وفارغة اسلالـي

اظل ميت عطش والماي اعاين بية

ليمتها ايطك نبع ويفيض شلالــــي

ومثل روح اليتيم اروح بيهـــا احزان

وبس فيض الدمـــع للروح يحلالي

كبرن تحت أدية ومشن عني ابعيد

وحسبالي ابكبرتي اتفيد حسبالـي

أبرة ومن أدية ابچوم تبن اطيــــح

معقولة ابتبن ابرة انة الكــــــالي