ملاحظه هذه القصه كله جذب

بسنة ال1964 جنت مسافر اني واصدقائي ابو شكيب وابو سندس وابو تغريد الله يذكرهم بخير جنه طالعين لعمان
بسياره رينو 11 مشغلين سيدي مال ناديه الجندي ومسلطنين اهناك قريب من مطقه عرعر جان اشوف مسكوفج
دبل قماره ورايه 14 راكب كام يرمشلي بلايت زنون اني اخترعت عبالي الانكليز ورايه المهم وخرت جان يخطفني الله لا يجذبني ديمشي 40 المهم جان يجر الهندربريك ويسوي كدامي خمسات او ستات ما اذكر المهم جان يطلع عليه
كلاشنكوف ورمه عليه الله لايجذبني 123 قذيفه هاون ابو ال60 ابو شكيب فز كلي ديربالك كتله لا تخاف وياك جاكي
مال سيارات تارك جان اجر الهندر مال الرينو وانزل ع الترابي وهذا جان يشغل المسكوفج دفع وورايه طار وهم كام يرمي
هناك واشوف سجه مال حديد كمزت من فوكاه وبني وبين الكيه يمكن نص متر المهم خلصت باوعت بلمرايه وهم هذا ورايه كلت مابيه بعد لازم اتواجه وياه جان اطبك بلبستان كريب النهر وشلون سمج اكلنا يلوك لذاك الحلك وراهه شربنا جاي مهيل بي دارسين واخذنا خفوه تقريبا نص ساعه المهم كعدنا دنكمل الطريق جان اشوف ناس ملتمه طبكنه كلنا خير شكو
كالو هش اسكت هسه يجي يابه منو راح يجي كالو مالك علاقه هسه على جيه وما اشوفلك اله واحد اجه ديمشي فوك الكاع تقريبا بشبر لابس عمامه خضره وجبه سوده اجه على ابو سندس كله شتتمنا جاوب ابو سندس كله جوعـــان
كله تدلل وكلي انته شتريد كتله جك مال رينو كلي تدلل المهم انطانا الي نريده وسئله ابو تغريد منو انته كله اني السيد بيتنجان المهم كملنا طريقنا وصلنا للحدود جان يشتغل علينا الرمي مال سيطره عطته بطناش للFJ مالتي اله شلعت سنوني وراه المهم ختمنا الجوزات وعبرنا الحدود وصلنا جان نشوف علم مرفوع مو مال عمان هاي وين احنا شجابنا هنا اثاري احنا بنكلادش ورينه السياره ورجعنا

اني اسف دوختكم اتمنا ان تعجبكم القصه الكله جذب