شعر للعراق

اذا قصوا ابهامي الجنت ابصم بيه..........حبا بالعراق ايخضر ابهامي
وذا حبك اعدامي انه احبك مـــوت..........والله انولدت في لحظة اعدامي
ماميت قبل لا تعد وراي ايــــــام..........بس ماتت الحرب ومجلبه بيامي
ماشدن احزامي تعلم لمن انخاه.........يشد روحه عليه لو وحده احزامي
في الحرب والسلم فوك الخصر مشدود......اكل لحم الخصر وتعنه لعظامي
ومن شفت السهم ماوصل صدري وطاح.....صرت كلي صدر واركض على اسهامي
واحد من احبه و واحد المحــــبوب........واحد بلقصيده ووحد الهامي
واحد كل عمرنه وواحد المعبود............هم واحد الموت واحد اسلامي
واحد من نطيح واحد من نكوم............واحد بواحد جدول ارقامي
مستوره الخيم وانه بحلاة النوم.........قميصي على شرك ضل يحرس اخيامي
بس رادوني ابوس ايد الظلم مذلول.....بست الظلم بس من حلك صمصامي
ما رمشت عيني بلقصف لمن صار.......رمش كل القصف من سحبة اقسامي
هذا شعر من بلـــــ الطيب ـــــبل هديه الى كل عراقي اصيل